Rotlaus gler seg til å spela på Siderfestivalen!

Eit av dei mest ettertrakta livebanda i Noreg kjem til Øystese laurdag 5. oktober. Rotlaus har spela på Siderfestivalen før, og håpar at dei også denne gongen skal få smaka litt av det Hardanger har å by på i tillegg til å spela opp til fest.

– Me er berre ein gjeng gutar som syng og spelar, og synes det er ekstremt stort at det er så mange som likar det me gjer, seier vokalist Bjørn Marius Øyehaug.

Me tykker det er ekstremt stort at Rotlaus gjer det dei gjer og gler oss til fest i Øysteshallen.

Klikk her for å kjøpa billett på Ticketco 

Kjem du med bubil?

Me ynskjer bubilar og campingvogner hjarteleg velkomne. Parker på Øystese Bubilparkering; her kan du dyppe føtene i Hardangerfjorden og kikke på Folgefonna - nokre steinkast frå sentrum og festivalen. Vatnuttak og søppelhandtering på plass. Me har ikkje straum og sanitæranlegg, med det er offentleg toalett ved badestranda i sentrum. Kjøp deg ein parkeringsbillett for 250 kr for heile helga på ticketco.no ! Då er du sikra plass!

Øystese Bubilparkering på Facebook

Øystese Bubilparkering. Foto: Jarle Nilssen.

Siderkurs for profesjonelle amatørar

På siderfestivalen er det tilbod om kurs for deg som er interessert i sider og ynskjer å læra meir. Du har gjerne laga sider til husbruk, eller ynskjer å byrja laga din eigen sider. Dette er eit kurs over tre undervisningstimar med smaking av sidertypar.

Tid: Fredag 4. oktober kl 16.00 til 18.30

Stad: Spildegarden, Øystese

Tema:

Sidertypar og stilar - Råvarer; eigenskapane til ulike eplesortar, verknad av mogningsgrad, blanding og smakstilsetjing

Utstyr – frå pressing til ferdige produkt

Prosessen – frå jus til ferdig sider; gjærtypar, tilsetjing av sukker m.m., styring av gjæringa med temperatur, omtapping, filtrering m.m.

Filer med kursmateriell vert sendt ut.

Kurshaldar: Eivind Vangdal

Kursavgift: 500 kr

Maks 20 deltakarar.

Påmelding til Siderfestivalen eller Eivind Vangdal (tlf 906 28 035, e-post eivind.vangdal@kvamnet.no)

---

 Eivind Vangdal er pensjonert fruktforskar får NIBIO Ullensvang forskingssenter på Lofthus og no siderkonsulent (Eivind Vangdal Siderråd AS). Han har lang røynsle med forskings- og utviklingsarbeid for siderprodusentane i Hardanger, og driv kurs i jus- og siderproduksjon for m.a. Kompetansenettverket for Lokalmat.

Tusen takk til alle saman!

Takk til alle som var med å bidra til nok ein vellukka festival. Regnet tok seg en velfortjent pause og me fekk etterlengta solglimt. God stemning på siderområdet, godt sal hos produsentane, fulle hus på arrangementa våre og flust med trivelege besøkande. Me sjåast neste år!