Forside-innlegg

Smaka, smaka smaka!

Velkomen til ei helg med herlege smakar. Det vert smaking med mange ulike vinklingar alle dagane.

Siderakademiet vert å finna i Kabuso fredag kveld. Saman med Fest i kjeften-sjef Thomas Digervold (biletet) smakar me på både lokal og internasjonal sider. Klikk her for å kjøpa billettar på Ticketco.

Fredag inviterer Spildegarden til sidersmaking til mat. Påmelding: tlf 971 19 212 / jane@spildegarden.no

Laurdag vert det tre smaksseansar saman med Thomas Digervold. I smaksteltet guidar han deg gjennom mange ulike smakar. Korleis er sider saman med til dømes Fjåk sjokolade eller ost?

Når skjenkeområdet på marknaden opnar laurdag klokka 12:00 er det høve til å smaka mange ulike sidrar og prata direkte med produsentane. Finn favoritten din. Kanskje finn du fleire?

FestIkjeften_2019_Matfestivalen__55.jpg

Rotlaus gler seg til å spela på Siderfestivalen!

Eit av dei mest ettertrakta livebanda i Noreg kjem til Øystese laurdag 5. oktober. Rotlaus har spela på Siderfestivalen før, og håpar at dei også denne gongen skal få smaka litt av det Hardanger har å by på i tillegg til å spela opp til fest.

– Me er berre ein gjeng gutar som syng og spelar, og synes det er ekstremt stort at det er så mange som likar det me gjer, seier vokalist Bjørn Marius Øyehaug.

Me tykker det er ekstremt stort at Rotlaus gjer det dei gjer og gler oss til fest i Øysteshallen.

Klikk her for å kjøpa billett på Ticketco 

67769095_10156065760842237_268519663128805376_o.jpg

Kjem du med bubil?

Me ynskjer bubilar og campingvogner hjarteleg velkomne. Parker på Øystese Bubilparkering; her kan du dyppe føtene i Hardangerfjorden og kikke på Folgefonna - nokre steinkast frå sentrum og festivalen. Vatnuttak og søppelhandtering på plass. Me har ikkje straum og sanitæranlegg, med det er offentleg toalett ved badestranda i sentrum. Kjøp deg ein parkeringsbillett for 250 kr for heile helga på ticketco.no ! Då er du sikra plass!

Øystese Bubilparkering på Facebook

Øystese Bubilparkering. Foto: Jarle Nilssen.

Øystese Bubilparkering. Foto: Jarle Nilssen.