Forside

Vegen til Breidablik -ei førestilling i skjemt og alvor

Siderfestivalen er stolte av å kunne by på ei rykande fersk førestilling i år!

teikning_bjorn-aluplater.jpg
breidablik 2.jpg

Inger Dysvik og Lars Arvid Oma har snekra saman ein  smakebit frå den komande boka «BREIDABLIK – eit fjelleventyr» i ord, tonar og bilete.Her vert musikalske innslag, gamle og nye bilete, talande teikningar, små stubbar og forteljingar om både slit og løye.

Med seg har dei bladfyken Sigbjørn Linga og kanskje får dei besøk av ein friskus frå tur-Norge og andre medvandrarar.

Teikning: Bjørn Huse

Boklansering i Kabuso

Forfattar Thomas Horne presenterer boka si "Om Sider" i kafeen i Kabuso. Nyt gjerne eit glas sider attåt!

Om Sider Thomas Horne.jpg
portrett-thomas-horne.jpg


Dette er boka for deg som vil lage din eigen sider, enten for fyrste gong eller om du allereie er litt erfaren. Om sider, den fyrste siderboka på norsk, fortel deg det du treng å vite før du set i gong.

For å lage boka har forfattar og sideramatør Thomas Horne vore på ei aldri så lita eigenkomponert siderrute for å besøke produsentar rundt om i landet. Alle med ulike produksjonar som viser fram mangfaldet av sider i Noreg. Ifølgje Horne har norsk sider gått gjennom ein liten revolusjon dei siste åra.

Boka er ein hyllest til norsk handverkssider. Hovuddelen av boka skildrar framgangsmåten for å lage sider heime og for så vidt også i kommersiell småskalaproduksjon. Horne omtalar fleire metodar for siderlegging, med eller utan tilsettingar.

Med seg på laget har Horne fotograf Colin Eick og grafisk designar Eivind Stoud Platou. Saman har dei tidligare laga fleire bøkar, blant anna Ølbrygging fra hånd til munnBalkongbønder og Kunsten å ikke kaste mat.

VossaRebels og
DJ Moonshiner spelar på SIDERFESTEN

The VossaRebels, dei er frå Voss, ja – spelar på årets Siderfest. Dei fekk dommarane i årets Norske Talenter til å bryta ut i spontan dans, og Bjarne Brøndbo ville syngja i bandet!  Det vert cool og autentisk rockabilly spela av dei tøffaste gutane i klassa! 

https://www.youtube.com/watch?v=Cc-mnKzLn80

DJ Moonshiner har delt scene med både Gunslingers og Rotlaus. Han kombinerer det beste frå den nyaste og moderne countrymusikken med god norsk «Bygdacountry».

Klikk her for å kjøpa billett på Ticketco 

VossaREbels.jpg
DJ Moonshiner.jpg

Fagdag for næringa

Fredag 5. oktober samlast sidernæringa og dei med fagleg og kommersiell interesse for sider på Utne Hotell. 

Nettverksmøtet «Sidersmak & Siderprat» vert arrangert på Utne Hotell. Det vert ein bolk med faglege innlegg og deretter smak og presentasjon av alle siderprodusentane. Her ynskjer me deltakarar frå distributørnettverket, tilsette i bar/kjøkken, siderprodusentar - både dei etablerte og  dei som er i startgropa og andre som har en særleg interesse og tilknytning til sider, velkomne. Ta kontakt med oss for meir informasjon og program.

alde sider.jpg
Asbjørn plukker eple.jpg
Utne hotel.jpg